||om tat sat||

Select text in Devanagari Kannada Gujarati English
ઉત્તર ચરિતમુ
મહાસરસ્વતી ધ્યાનમ્
ઘણ્ટાશૂલહલાનિ શંખમુસલે ચક્રં ધનુઃ સાયકં
હસ્તાબ્જૈર્દધતીં ઘનાન્તવિલસત્ શીતાંશુ તુલ્યપ્રભામ્|
ગૌરીદેહસમુદ્ભવાં ત્રિજગતામ્ આધારભૂતાં મહા
પૂર્વામત્ર સરસ્વતીમનુભજે શુમ્ભાદિ દૈત્યાર્દિનીમ્||

||ઓમ્ તત્ સત્||
=============
દ્વાદશોઽધ્યાયઃ ||

દેવ્યુવાચ||

એભિઃ સ્તવૈશ્ચ માં નિત્યં સ્તોષ્યતે યઃ સમાહિતઃ|
તસ્યાહં સકલાં ભાધાં નાશયિષ્યામ્યસંશયમ્||1||

મધુકૈટભનાશં ચ મહિષાસુર ઘાતનમ્|
કીર્તયિષ્યન્તિ યે તદ્વદ્ વધં શુંભ નિશુંભયોઃ||2||

અષ્ટમ્યાં ચ ચતુર્દશ્યાં નવમ્યાં ચૈક ચેતસઃ|
શ્રોષ્યન્તિ ચૈવ યે ભક્ત્યા મમ માહાત્મ્યમુત્તમમ્ ||3||

ન તેષાં દુષ્કૃતં કિંચિત્ દુષ્કૃતોત્થાન ચાપદઃ|
ભવિષ્યતિ ન દારિદ્ર્યં ન ચૈ વૈષ્ટવિયોજનમ્||4||

શત્રુતો ન ભયં તસ્ય દસ્યુતો વા ન રાજતઃ|
ન શસ્ત્રાનલતો યૌઘાત્ કદાચિત્ સમ્ભવિષ્યતિ||5||

તસ્માન્મમૈતન્ માહાત્મ્યં પઠિતવ્યં સમાહિતૈઃ|
શ્રોતવ્યં ચ સદા ભક્ત્યા પરં સ્વસ્ત્યયનં હિ તત્||6||

ઉપસર્ગાનશેષાંસ્તુ મહામારી સમુદ્ભવાન્|
તથા ત્રિવિધમુત્પાતં મહાત્મ્યં શમયેન્મમ||7||

યત્રૈતપઠ્યતે સમ્યક્ નિત્યમાયતને મમ|
સદા ન તદ્વિમોક્ષ્યામિ સાન્નિધ્યં તત્ર મે સ્થિતમ્||8||

બલિપ્રદાને પૂજાયામ્ અગ્નિકાર્યે મહોત્સવે|
સર્વં મમૈતત્ ચરિતમ્ ઉચ્ચાર્યં શ્રાવ્યમેવ ચ||9||

જાનતા જાનતા વાપિ બલિપૂજાં તથા કૃતામ્|
પ્રતીચ્છિષ્યામ્યહં પ્રીત્યા વહ્નિ હોમં તથા કૃતમ્||10||

શરત્કાલે મહાપૂજા ક્રિયતે યા ચ વાર્ષિકી|
તસ્યાં મમૈતન્ માહાત્મ્યં શ્રુત્વા ભક્તિ સમન્વિતઃ||11||

સર્વબાધાવિનિર્મુક્તો ધનધાન્યસુતાન્વિતઃ|
મનુષ્યો મત્પ્રસાદેન ભવિષ્યતિ ન સંશયઃ||12||

શ્રુત્વા મમૈતન્માહાત્મ્યં તથા ચોત્પત્તયઃ શુભાઃ|
પરાક્રમં ચ યુદ્ધેષુ જાયતે નિર્ભયઃ પુમાન્||13||

રિપવઃ સંક્ષયં યાન્તિ કલ્યાણં ચોપપદ્યતે|
નન્દતે ચ કુલં પુંસાં મહાત્મ્યં મમશ્રુણ્વતામ્||14||

શાન્તિ કર્મણિ સર્વત્ર તથા દુઃસ્વપ્નદર્શને|
ગ્રહપીડાસુ ચોગ્રાસુ મહાત્મ્યં શૃણુયાન્મમ||15||

ઉપસર્ગાઃ શમં યાન્તિ ગ્રહપીડાશ્ચ દારુણાઃ|
દુઃસ્વપ્નં ચ નૃભિર્દૃષ્ટં સુસ્વપ્નમુપજાયતે||16||

બાલગ્રહાભિભૂતાનાં બાલાનાં શાન્તિકારકમ્|
સઙ્ઘાતભેદે ચ નૃણાં મૈત્રીકરણમુત્તમમ્||17||

દુર્વૃત્તાનામશેષાણાં બલહાનિકરં પરમ્|
રક્ષોભૂત પિશાચાનાં પઠનાદેવ નાશનમ્||18||

સર્વં મમૈતન્માહાત્મ્યં મમસન્નિધિકારકમ્|
પશુપુષ્પાર્ઘ્યધૂપૈશ્ચ ગન્ધદીપૈસ્તથોત્તમૈઃ||19||

વિપ્રાણાં ભોજનૈર્હોમૈઃ પ્રોક્ષણીયૈઃ અહર્નિશમ્|
અન્યૈશ્ચ વિવિધૈર્ભોગૈઃ પ્રદાનૈઃ વત્સરેણ યા||20||

પ્રીતિર્મે ક્રિયતે સાસ્મિન્ સકૃત્સુચરિતે શ્રુતે|
શ્રુતં હરતિ પાપાનિ તથારોગ્યં પ્રયચ્છતિ||21||

રક્ષાં કરોતિ ભૂતેભ્યો જન્મનાં કીર્તનં મમ|
યુદ્ધેષુ ચરિતં યન્મે દુષ્ટદૈત્યનિબર્હણમ્ ||22||

તસ્મિન્ શૃતે વૈરિકૃતં ભયં પુંસાં ન જાયતે|
યુષ્માભિઃ સ્તુતયો યાશ્ચ યાશ્ચ બ્રહ્મર્ષિભિઃ કૃતાઃ||23||

બ્રહ્મણા ચ કૃતાસ્તાસુ પ્રયચ્છન્તિ શુભાં મતિમ્|
અરણ્યે પ્રાન્તરે વાપિ દાવાગ્નિ પરિવારિતઃ||24||

દસ્યુભિર્વા વૃતઃ શૂન્યે ગૃહીતો વાપિ શત્રુભિઃ|
સિંહવ્યાઘ્રાનુવ્યાતો વા વને વા વનહસ્તિભિઃ||25||

રાજ્ઞા ક્રુદ્ધેન ચાજ્ઞપ્તો વધ્યો બન્ધગતોઽપિ વા |
અઘૂર્ણિતો વા વાતેન સ્થિતઃ પોતે મહાર્ણવે||26||

પતત્સુ ચાપિ શસ્ત્રેષુ સંગ્રામે ભૃશદારુણે|
સર્વબાધાસુ ઘોરાસુ વેદાનાભ્યર્થિતોઽપિવા||27||

સ્મરન્ મમૈતચ્ચરિતં નરો મુચ્યેત સંકટાત્|
મમપ્રભાવાત્ સિંહાદ્યાત્ દસ્યવો વૈરિણસ્તથા||28||

દૂરાદેવ પલાયન્તે સ્મરિતશ્ચરિતં મમ|29||

ઋષિરુવાચ||

ઇત્યુક્ત્વા સા ભગવતી ચણ્ડિકા ચણ્ડવિક્રમા|
પશ્યતામેવ દેવાનાં તત્રૈવાન્તરધીયત||30||

તેઽપિ દેવા નિરાતંકાઃ સ્વાધિકારાન્યથાપુરા|
યજ્ઞભાગભુજઃ સર્વે ચક્રુર્વિનિહાતારયઃ ||31||

દૈત્યાશ્ચ દેવ્યા નિહતે શુમ્ભે દેવરિપૌ યુધિ|
જગદ્વિધ્વંસિનિ તસ્મિન્ મહોગ્રેઽતુલવિક્રમે||32||

નિશુમ્ભે ચ મહાવીર્યે શેષાઃ પાતાળમાયુયુઃ||33||

એવં ભગવતી દેવી સા નિત્યાપિ પુનઃ પુનઃ |
સમ્ભૂય કુરુતે ભૂપ જગતઃ પરિપાલનમ્||34||

તયૈતન્મોહ્યતે વિશ્વં સૈવ વિશ્વં પ્રસૂયતે|
સા યાચિતા ચ વિજ્ઞાનં તુષ્ટા બુદ્ધિં પ્રયચ્છતિ||35||

વ્યાપ્તં તયૈતત્સકલં બ્રહ્માણ્ડં મનુજેશ્વર|
મહાકાળ્યા મહાકાલે મહામારી સ્વરૂપયા||36||

સૈવકાલે મહામારી સૈવ સૃષ્ઠિર્ભવત્યજા|
સ્થિતિં કરોતિ ભૂતાનાં સૈવ કાલે સનાતની||37||

ભવકાલે નૃણાં સૈવ લક્ષ્મીર્વૃદ્ધિપ્રદા ગૃહે|
સૈવાભાવે તથાલક્ષ્મીઃ વિનાશાયોપજાયતે||38||

સ્તુતા સમ્પૂજિતા પુષ્પૈઃ ધૂપગન્ધાધિભિઃ તથા|
દદાતિ વિત્તં પુત્ત્રાંશ્ચ મતિં ધર્મે ગતિં શુભામ્||39||

ઇતિ માર્કણ્ડેય પુરાણે સાવર્ણિકે મન્વન્તરે
દેવી મહાત્મ્યે ફલશ્રુતિ ર્નામ
દ્વાદશોઽધ્યાયઃ||

|| ઓમ્ તત્ સત્||

=====================================
updated 27 09 2022 0630